Germanııa lokdaýn merzimin taǵy da uzartty
Sonymen qatar, 1 naýryzdan bastap gıgıena erejelerin saqtaý shartymen shashtarazdardy ashý qarastyrylǵan. Mektepterdi ashý týraly sheshimdi federaldy jer ókilderi qabyldaıdy. Germanııada qatań lokdaýn rejımi 16 jeltoqsannan bastalǵan bolatyn.
Germanııa kantsleri Angela Merkel koronavırýs mýtatsııalarynyń taralýyn eske saldy: «Jańa shtamdarǵa baılanysty úlken belgisizdik bar, jańa mýtatsııalar týyndap, vırýs joǵalady. Biz jańa vırýspen ómir súrýimiz kerek jáne onyń áserin ázńrge boljaı almaımyz, ınfektsııalar sany eksponentsıaldy túrde qaıta ósýi múmkin, sondyqtan baqylaýdy qamtamasyz etý jáne muqııat bolý kerek».
Sonymen birge DDU sarapshylary brıtandyq-shvedtik AstraZeneca vaktsınasyn qoldaný týraly usynystar jarııalady. Vaktsınany 18 jáne odan joǵary jastaǵy adamdarǵa qoldanýǵa bolady. 18 jasqa deıingi balalar men jasóspirimderge keletin bolsaq, preparattyń osy jas tobynda qalaı áser etetini týraly áli jetkilikti málimetter joq. Qorytyndyda koronavırýstyń jańa túrlerine qatysty aldyn ala taldaý osy vaktsınanyń tıimdiliginiń birshama tómen ekenin kórsetti.
DDU-nyń ımmýndaý jónindegi strategııalyq konsýltatıvtik tobynyń basshylary Alehandro Kravıoto: «Vaktsınanyń ásirese asqynǵan aýrýǵa qarsy qorǵanys qabileti tómendegen jaǵdaıda ony aýrýdyń jańa túrleri tarap jatqan elderde qoldanýǵa bolmaıdy deýge eshqandaı negiz joq»,-dedi.
Biraq Ispanııa bıligi 55 jastan asqan adamdarǵa AstraZeneca vaktsınasyn qoldanýdy jón kórmedi. Nátıjesinde Densaýlyq saqtaý mınıstrligi vaktsınalaý strategııasyna ózgerister engizdi. Bul preparatpen dárigerler, kúsh-qýat qurylymdary men quqyq qorǵaý organdarynyń qyzmetkerleri, órt sóndirýshiler, áskerı qyzmetshiler men oqytýshylar egiledi dep kútilýde.