Germanııa qysta energııany qatań únemdeý sharalaryn maquldaýda

NUR-SULTAN. QazAqparat – Germanııa úkimeti qys mezgilinde qoǵamdyq ǵımarattarda jaryq pen jylýdy paıdalanýdy shekteıtin shara jobasyn maquldady, dep habarlaıdy QazAqparat BBC silteme jasap.

Bılik jańa erejeler arqyly gaz tutyný kólemin 2%-ǵa azaıtýǵa nıetti. Qyrkúıekten bastap aýrýhanalardy qospaǵanda, qoǵamdyq ǵımarattar eń kóbi Tselsıı shkalasy boıynsha 19 gradýsqa deıin jylytylýy kerek. Bul rette kireberisterde, dálizderde jáne foıede jylytý tolyǵymen óshirilýi múmkin. Qoǵamdyq eskertkishter men ǵımarattar jaryqtandyrylmaıdy jáne kásiporyndarǵa túngi ýaqytta dúkenderin jaryqtandyrýǵa tyıym salynýy múmkin. Sonymen qatar jekemenshik basseındi jylytýǵa da tyıym salynbaq.

Germanııa sonymen qatar jergilikti turǵyndarǵa elektr qýatyn tutynýdy qalaı azaıtýǵa bolatyndyǵyn aıtý úshin jarnamalyq naýqandar ótkizýdi josparlap otyr. Germanııanyń ekonomıka mınıstri erejeler eki jyl ishinde jeke úı sharýashylyqtaryna, kompanııalarǵa jáne memlekettik sektorǵa shamamen 10,8 mıllıard eýro únemdeýge múmkindik beretinin aıtty.

Ýkraınadaǵy jaǵdaıdan deıin Germanııa Reseıden gazdyń 55% -yn satypr alyp keldi, qazir ol 35%-ǵa deıin qysqardy jáne ımportty tolyǵymen toqtatýdy josparlaýda.

Foto: bbc.com