Germanııa kantsleri pırat keıpindegi sýretin jarııalady

ASTANA. QazAqparat – Germanııa kantsleri Olaf Sholts demalys kúnderi júgirý kezinde alǵan jaraqatyn jasyrý úshin kózine qara tańǵysh kıip aldy. Bul týraly ol X áleýmettik jelide málim etti, dep habarlaıdy QazAqparat Deutsche Welle-ge silteme jasap.

«Memderdi asyǵa kútemin. Jaqsy tilekterińizge raqmet. Negizi budan da nashar kórinedi», - delingen Tvıtterde.

Foto jarııalanǵannan keıin kóp uzamaı myńdaǵan laık pen pikir jınady. Pikirlerdiń arasynda Germanııa kantslerine tezirek saýyǵyp ketýin tilegender de bar. Federaldy úkimet ókili Steffen Hebestreıttiń aıtýynsha, fotosýret «Prezıdent aldaǵy bir-eki aptada osylaı júretindikten, jurtshylyqtyń kózin úıretý úshin» jarııalanǵan.

Sholts jeksenbi kúngi kezdesýlerinen bas tartýǵa májbúr bolǵan. Biraq bul onyń basqa kúnderdegi josparyna áser etpedi.