Germanııa ınfektsııa juqtyrǵandar sany boıynsha besinshi orynda tur

NUR-SULTAN. QazAqparat - Germanııa qazirgi ýaqytta ınfektsııany juqtyrǵandar sany (28,5 mıllıonnan astam, onyń ishinde 141 myńnan astamy qaıtys bolǵan) boıynsha álemde besinshi orynda tur, dep habarlaıdy QazAqparat.

Robert Koh atyndaǵy ınstıtýttyń (RKI) 5 shildedegi málimetinshe, qazirgi ýaqytta koronavırýsty juqtyrý júz myń adamǵa shaqqanda 687,7 jaǵdaıdy (bir kún buryn 650,5, ótken aptada 635,8 jáne ótken aıda 257,6) qurady.

COVID-19 taralýyna jol bermeý jónindegi vedomstvoaralyq komıssııa Germanııanyń densaýlyq saqtaý organdary kúnine 147 489 ınfektsııanyń jańa jaǵdaılary men 102 ólimdi tirkeıtinin jazdy. Bir apta buryn kúndelikti ósim 142 329 jaǵdaıdy quraǵan edi.

«Sarapshylar Germanııada juqtyrýdyń naqty sany aıtarlyqtaı joǵary ekenin, óıtkeni kóptegen jaǵdaılar tanylmaı qalyp jatqanyn atap ótti. Resmı statıstıkaǵa PTR-test negizinde rastalǵan jaǵdaılar ǵana kiredi», - delingen vedomstvonyń habarlamasynda.

Al s ońǵy táýlikte Italııada koronavırýsty juqtyrýdyń 132 274 jańa jaǵdaıy tirkelip, 94 naýqas qaıtys boldy. Bir kún buryn 36 282 COVID-19-dyń jańa jaǵdaıy anyqtalyp, 59 adam qaıtys boldy. Sonymen qatar, júrgizilgen barlyq zertteýler arasynda koronavırýsqa oń synaqtardyń úlesi ózgergen joq, ıaǵnı 28,4%-ǵa qarsy 27,9%.

Sońǵy ret Italııada bir kúnde anyqtalǵan koronavırýs jaǵdaılarynyń sany aqpan aıynda 100 myńnan asty.