Germanııa halqynyń jartysynan astamy vırýsqa qarsy vaktsına saldyrǵan

BERLIN. TASS-QazAqparat - Germanııa halqynyń jartysynan kóbi koronavırýsqa qarsy vaktsınanyń eki komponentin de saldyryp úlgergen. Bul jaıynda sársenbi kúni GFR densaýlyq saqtaý mınıstri Iens Shpan Twitter paraqshasynda jazdy, dep habarlaıdy QazAqparat TASS agenttigine silteme jasap.

«Jańa kórsetkish: árbir ekinshi nemis (eresek halyqtyń 50,2 paıyzy nemese 41,8 mln adam) koronavırýstyń eki komponentin de saldyryp, koronavırýstan tolyq qorǵaldy. Azamattardyń 61,1 paıyzy (50,85 mln adam) ekpeniń kem degende bir komponentin ektirgen» dep jazdy eldiń densaýlyq saqtaý mınıstri.

Onyń aıtýynsha, neǵurlym kóp adam vaktsına alsa, kúz ben qys soǵurlym qaýipsiz bolady.

Elde vaktsınatsııa ótken jyldyń jeltoqsanynda bastalǵan bolatyn.

Eń aldymen qarttar, dárigerler, medqyzmetkerler, mańyzdy áleýmettik sala jumyskerleri koronavırýs ekpesin saldyrdy.

Germanııada amerıkalyq Pfizer kompanııasy nemistiń BioNTech áriptesimen birge jasap shyǵarǵan vaktsına, sonymen qatar amerıkalyq Moderna, brıtan-shved AstraZeneca jáne taǵy sol Johnson & Johnson kompanııalary óndirgen ekpe qoldanylyp otyr.