Germanııa gaz qoımalaryn jospardan artyq toltyryp jatyr

BERLIN. QazAqparat – GFR gaz qoımalary josparlanǵannan tez toltyrylyp jatyr, dep málimdedi ekonomıka mınıstri Habek. Qazir 82 paıyz toltyrylǵan. Qazan aıyna belgilengen maqsat (85 paıyz) qyrkúıektiń basynda oryndalmaq. Bul týraly QazAqparat DW-ǵa silteme jasap habarlaıdy.

Reseıden gaz jetkizý kóleminiń edáýir azaıǵanyna qaramastan, jospardyń artyǵymen oryndalyp jatqanyn Der Spiegel basylymy tıisti vedomstvonyń ishki qujatyna silteme jasaı otyryp habarlaǵan bolatyn. Bul habarlamany Germanııa ekonomıka mınıstrliginiń ókili rastady.

«Gaz qoımalary qarastyrylǵannan tezirek toltyrylyp jatyr», - dedi Germanııa ekonomıka mınıstri Robert Habek (Robert Habeck) Der Spiegel-ge bergen suhbatynda. Onyń aıtýynsha, bul qordy ónerkásip pen úı sharýashylyǵyna gaz jetkizý úshin paıdalanýǵa bolady.

Qoımalar gaz tutynýdaǵy qubylmalylyqty óteıdi. Ol gaz naryǵyndaǵy býfer tárizdi. INES gaz jáne sýtegin saqtaý júıeleri operatorlary qaýymdastyǵynyń málimetinshe, qordyń jedel toltyrylýy jazda gaz paıdalanýdy azaıtyp, soltústik-batys Eýropadan ımport kólemin ulǵaıtý arqyly múmkin bolǵan.

Foto: dw.com