Germanııa el azamattyǵyn alý joldaryn jeńildetýi múmkin

<p>ASTANA. KAZINFORM &ndash; Býndestag Germanııadaǵy sheteldikterdiń el azamattyǵyn alýyn jyldamdatatyn jańa zańdy talqylap jatyr, dep habarlaıdy <a href="https://www.dw.com/ru/v-bundestage-frg-budut-golosovat-za-zakon-ob-uprosenii-polucenia-grazdanstva/a-68029852" target="_blank" rel="noopener">DW </a>aqparat agenttigi.&nbsp;</p>

Býndestagta zań jobasynyń sońǵy oqylymy ótip jatyr. Bul azamattyq alý úshin Germanııada turý ýaqytyn segiz jyldan bes jylǵa deıin qysqartady. Al nemis tilin jaqsy bilý jáne joǵary kásibı tabysqa jetken adamdar úshin úsh jyl da jetkilikti bolady.

Germanııa azamattyǵyn alǵan sheteldikterge burynǵy tólqujattaryn saqtaýǵa ruqsat etiledi. Al GFR-da týǵan sheteldikterdiń balalary avtomatty túrde nemis azamattyǵyn alady. Qazirgi ýaqytta bul ata-anasynyń biri elde segiz jyldan astam ýaqyt turǵan jaǵdaıda ǵana múmkin.

Nemis bıligi azamattyq zańdardy reformalaý arqyly Germanııany bilikti mamandar úshin tartymdy etýdi kózdep otyr.

«Biz burynnan qoǵamymyzdyń bir bóligi bolǵan adamdardyń elimizdi demokratııalyq jolmen qalyptastyrýǵa qatysa alýyn qalaımyz. Demokratııamyzǵa ony qorǵaıtyn jáne kúsheıtetin turǵyndar qajet», - dep atap ótti Germanııanyń ishki ister mınıstri Nensı Fezer.