Germanııa bıligi elde ońshyl ekstremızmniń taralýyna jol bermeıdi

<p>ASTANA. KAZINFORM &ndash; Germanııanyń ishki ister mınıstrligi elde ońshyl ekstremızmniń taralýyna qarsy sharalardy kúsheıtpek. Bul týraly vedomstvo basshysy Nensı Fezer málimdep, &laquo;demokratııany qorǵaý úshin zań ústemdiginiń barlyq quraldaryn qoldanýǵa&raquo; nıetti ekenin basa aıtty, dep habarlaıdy <a href="https://ru.euronews.com/2024/02/14/germanys-measures-to-curb-far-right" target="_blank" rel="noopener">euronews.</a></p>

Bul elden mıllıondaǵan ımmıgranttardy, onyń ishinde Germanııa azamattyǵyn alǵan, biraq ońshyldardyń pikirinshe — biriktirilmegen azamattardy deportatsııalaý múmkindigin talqylaǵan neonatsısterdiń kezdesýi týraly jarııalanymnan keıin qoǵamda talqylanǵan basty taqyryptardyń biri boldy.

Buǵan 2021 jylǵy saılaýdan keıin nemis saılaýshylary arasynda qoldaýy eki esege jýyq ósken «Germanııa úshin balama» partııasynyń músheleri qatysqany faktisine erekshe nazar aýdaryldy.

Germanııanyń ishki ister mınıstri Nensı Fezerdiń málimdeýinshe, ol ońshyl ekstremısterdiń qarjylyq aǵynyna baqylaý kúsheıtýge jáne quqyq qorǵaý organdarynyń ońshyl ekstremıster dep kúdikke ilingenderdi baqylaýǵa arnalǵan ókilettikterin keńeıtýge nıetti.

«Biz ońshyl ekstremıstik jelilerdiń kózin joıǵymyz keledi. Biz olardy tabystan aıyryp, qarý-jaraǵyn tartyp alǵymyz keledi. Demokratııamyzdy qorǵaý úshin zań ústemdiginiń barlyq quraldaryn paıdalanǵymyz keledi», — dedi mınıstr.

Nemis bıliginiń atap ótýinshe, elde ońshyl ekstremıster sany únemi ósý ústinde. 2022 jyly olardyń sany 38 800 boldy, bul rette 14 myńy zorlyq-zombylyq jasaýy múmkin dep sanalǵan.

«Sońǵy jyldary Germanııada saıası astary bar qylmys sany aıtarlyqtaı ósken. 10 jyl ishinde ol eki eseden astamǵa ósti», — dedi Federaldyq qylmystyq polıtsııa basqarmasynyń basshysy Holger Mıýnh.

Jyl basynan beri Germanııada ásire ońshyldarǵa qarsy kóptegen sherýler ótti. Olardyń kópshiligi nemis tilinen aýdarǵanda «otqa tózimdi qabyrǵa» degendi bildiretin «Biz brandmaýermiz» uranymen ótken. Ońshyl popýlıstermen yntymaqtastyq jasamaý saıasaty osylaı atalady.