«Germanııa arýy» baıqaýynda Iran ókili jeńiske jetti

<p>ASTANA. KAZINFORM &ndash; Berlınde turatyn ırandyq 39 jastaǵy sáýletshi Apame Shenaýer (Apameh Sch&ouml;nauer) 24 aqpanda Baden-Vıýrtemberg federaldy shtatynyń Rýst qalasynda ótken &laquo;Germanııa arýy&raquo; baıqaýynda jeńimpaz atandy. Bul týraly <a href="https://www.dw.com/ru/urozenka-irana-pobedila-na-konkurse-miss-germania/a-68364148" target="_blank" rel="noopener">dw.com</a> jazdy.&nbsp;</p>

Tegeranda dúnıege kelgen, biraq 6 jasynan bastap Germanııada turatyn Shenaýer kóshi-qon tarıhy bar jas áıelderdi qoldaýǵa nıetti. Baıqaý barysynda eki balanyń anasy Irandaǵy jaǵdaıǵa nazar aýdara otyryp, áıelder quqyqtary úshin kúresýge degen adaldyǵyn birneshe ret atap ótti.

Germanııa arýynyń jeńimpazy Female Leader syılyǵyn alyp, 25 000 eýroaqshalaı syıaqyǵa ıe boldy. 

Uıymdastyrýshylardyń aıtýynsha, baıqaýǵa qatysýǵa 15 000 áıel ótinim bergen. Fınalda Shenaýer 8 qarsylasyn basyp ozdy.

Fınaldyń eń úlken qatysýshysy 42 jastaǵy Gambýrg turǵyny Mınon Kovollık boldy. 

Keıingi jyldary Mıss Germanııa baıqaýy óziniń tujyrymdamasyn ózgertti. Buryn qatysýshylar podıýmnan bıkınımen ótýi kerek edi. 2019 jyldan bastap áıelderdiń jeke qasıetteri baǵalana bastady. Jeńimpaz endi táj kımeıdi, biraq ıyǵyna lenta taǵylady.