Geologııalyq barlaýǵa tartylǵan ınvestıtsııa kólemi 158 mlrd teńgeni qurady - Nurlan Noǵaev

NUR-SULTAN. QazAqparat – Ótken jyldyń qorytyndysy boıynsha jer qoınaýyn paıdalanýshylardyń qazaqstandyq kadrlardy oqytýdy qarjylandyrýy 21 mlrd teńgeni qurady. Bul týraly QR Energetıka mınıstri Nurlan Noǵaev halyq aldynda esep berý kezdesýinde aıtty, dep habarlaıdy QazAqparat tilshisi.

«Qazirgi ýaqytta Qazaqstanda kómirsýtek shıkizatyn barlaý men óndirýge arnalǵan 235 kelisimshart tirkelgen, onyń ishinde: «barlaýǵa» – 54, «birlesip barlaý men óndirýge» – 96, «óndirýge»– 74, «Ónimdi bólý týraly kelisim» boıynsha – 11. Ýran boıynsha 25 kelisimshart tirkelgen», - deıdi QR Energetıka mınıstri Nurlan Noǵaev

Onyń aıtýynsha, geologııalyq barlaý jumystaryna ınvestııalardyń kólemi –158,4 mlrd teńgeni qurady.

«Jyl qorytyndysy boıynsha jer qoınaýyn paıdalanýshylardyń esebinen 144 myńnan astam qazaqstandyq maman oqytý, biliktilikti arttyrý nemese qaıta daıarlaý rásiminen ótti. Qazirgi ýaqytta Mınıstrlik jer qoınaýyn paıdalanýshylardyń ǵylymı-zertteý jáne (nemese) tájirıbelik-konstrýktorlyq jumystardy qarjylandyrýy boıynsha mindettemelerin oryndaý jónindegi jumystardy júrgizip otyr. Búgingi tańda jer qoınaýyn paıdalanýshylardyń ǵylymı-zertteý jáne tájirıbelik-konstrýktorlyq jumystardy qarjylandyrýy boıynsha mindettemeleri jer qoınaýyn paıdalanýǵa arnalǵan 163 kelisimshartta kózdelgen», - deıdi ol.

2019 jylǵy qorytyndy boıynsha jer qoınaýyn paıdalanýshylardyń ǵylymı-zertteý jáne tájirıbelik-konstrýktorlyq jumystardy qarjylandyrýy 9,9 mlrd teńgeni qurady. Sondaı-aq, ótken jyldyń qorytyndysy boıynsha jer qoınaýyn paıdalanýshylardyń qazaqstandyq kadrlardy oqytýdy qarjylandyrý 21 mlrd teńgege jetti.