Geologııalyq barlaýǵa ınvestıtsııa tartý usynystary 1 aı ishinde ázir bolýy tıis - Ekologııa mınıstri

NUR-SULTAN. QazAqparat - 2020 jyldyń mamyrynda 2021-2025 jyldarǵa arnalǵan geologııalyq barlaý jumystaryn júrgizý baǵdarlamasy qabyldanýy tıis. Bul týraly QR Ekologııa, geologııa jáne tabıǵı resýrstar mınıstri Maǵzum Myrzaǵalıev vedomstvonyń keńeıtilgen alqa otyrysynda aıtty, dep habarlaıdy QazAqparat tilshisi.

«Geologııalyq salanyń aldynda turǵan ózekti máselelerdiń biri – qorlardyń tolyqtyrý deńgeıiniń tómendigi. Osyǵan baılanysty zertteýlerdiń tereńdigin arttyrý arqyly geologııalyq barlaý jumystaryn jandandyrý qajet. Sarapshylardyń boljamdyq baǵalaýy boıynsha jańa ken oryndaryn ashý úshin úlken áleýet bar», - dedi ol.

Maǵzum Myrzaǵalıev óz sózinde Memleket basshysy mınıstrlikke 2021-2025 jyldarǵa arnalǵan geologııalyq barlaý jumystaryn júrgizý baǵdarlamasyn ázirleýdi tapsyrdy.

«Geologııa komıteti baǵdarlama jobasyn ázirleýdi aıaqtaýy qajet. Sodan keıin ony kelisý boıynsha jumystardy uıymdastyryp, osy jyldyń mamyr aıynyń sońyna deıin qabyldaýy tıis. Sondaı-aq, Sanjar Serikbaıuly geologııalyq barlaýǵa ınvestıtsııa tartý jumystaryn júrgizý qajet. Bir aı ishinde naqty usynystar berýdi suraımyn», - dedi mınıstr orynbasary Sanjar Jarkeshovke qarata.