Gennadıı Shıpovskıh: Zııaly qaýymnyń bir-birine árdaıym tilektes bolǵanyn qalaımyn

<p>ASTANA. KAZINFORM &ndash; Parlament Senatynyń depýtaty Gennadıı Shıpovskıh Atyraýda ótip jatqan Ulttyq quryltaıdyń úshinshi otyrysy týraly <a href="https://www.facebook.com/share/gHvboFV6ZXNsmW7j/?mibextid=WC7FNe" target="_blank" rel="noopener">Facebook </a>áleýmettik jelisinde pikirin bildirdi.</p>

Onda bylaı delingen:

«Memleket basshysy Qasym-Jomart Toqaevtyń tóraǵalyǵymen Atyraýda Ulttyq quryltaıdyń úshinshi otyrysy ótýde. Otyrys bastala salsysymen Memleket basshysynyń myna sózderi eleń etkizdi: "Ashyǵyn aıtýymyz kerek, biz tarıhqa kelgende kóbinese emotsııaǵa berilip ketemiz. Ótken zamandy orynsyz qazbalaý jaqsylyq ákelmeıdi, onyń paıdasynan góri, zııany kóp.

„Óspeıtin eldiń balasy ónbeıtin daýdy qýady“ dep beker aıtpaǵan. Ótken is ótti, endi ony eshkim ózgerte almaıdy. Ýaqyt eń ádil tóreshi ekenin umytpaıyq. Bizge bitpeıtin daý-damaı emes, myzǵymas yntymaq pen birlik kerek. Qazirgi tarıhı kezeńde halqymyzdyń sózi de, isi de — bir bolýy qajet. Sondyqtan zııaly qaýym, eń aldymen, elimizdiń birligin nyǵaıtýǵa basa nazar aýdarǵany jón. Aǵa býyn jas urpaqqa jol nusqap, baǵyt-baǵdar berýi kerek.
Elimizde kózi ashyq, kókiregi oıaý, oıy ushqyr, bilimdi jastar kóp. Biz olardyń boıyna asyl qasıetterdi sińirýimiz qajet. Uly Abaıdyń „Birińdi qazaq, biriń dos, kórmeseń, istiń bári — bos“ degen sózi áli de ózekti bolyp tur.

Men zııaly qaýym ókilderiniń bir-birine árdaıym tilektes bolǵanyn qalaımyn. Ózara janashyr bolý, túptep kelgende, elge janashyr bolý degen sóz.

Taǵy da qaıtalap aıtqym keledi: usaq-túıek áńgimeni qoıý qajet. Qazaqty bólip-jarýǵa bolmaıdy. Biz jalpyulttyq deńgeıde oılaýǵa umtylýymyz kerek», - dep jazdy depýtat.