Gennadıı Golovkınniń kóp jalaqy alatyny ras pa? UOK málimdemesi

<p>ASTANA. KAZINFORM &mdash; Áleýmettik jelide Gennadıı Golovkınniń QR Ulttyq Olımpıada komıtetiniń prezıdenti laýazymyndaǵy jalaqysyna qatysty derek paıda boldy. Osyǵan baılanysty UOK málimdeme jasady.</p>

«Gennadıı Golovkın UOK prezıdenti retindegi qyzmetin erikti negizde júzege asyrady. Onyń qyzmeti aqysyz. Al motıvatsııa qarjymen de, saıası mansappen de baılanysty emes. Eń aldymen, onyń jumysy qazaq sportyna kómektesýge, sondaı-aq halyqaralyq sport qaýymdastyǵynda Qazaqstan UOK bedelin nyǵaıtýǵa baǵyttalǵan. Bul rette Gennadıı Golovkın bul qyzmetke kirisý kezinde UOK memlekettik bıýdjetten aqsha suramaıtynyn atap ótti. Uıym óz qyzmetin demeýshilik qarajat esebinen júzege asyrady, ony tartý jumysyna G.Golovkın qatysady», dep sendirdi komıtetten.

Bıyl aqpan aıynyń sońynda álemge áıgili qazaq boksshysy Gennadıı Golovkın Ulttyq Olımpıada komıtetiniń prezıdenti boldy.