Gennadıı Golovkınniń sporttaǵy armany qandaı
Sportshynyń sózine sensek, ol osy aıqasty laıyqty ótkizip, jeńiske jetý úshin bar kúshin salady. Óıtkeni Golovkın orta salmaqtaǵy álem chempıony ataǵyn jıyrma birinshi márte qorǵaıyn dep otyr. Al bul degenimiz - osy dıvızıondaǵy rekord.
«Bul jekpe-jek — men úshin boks tarıhynda eleýli iz qaldyrý múmkindigi. Men osy deńgeıge jetip, osyndaı dárejege kóterilgenimdi maqtan etemin. Endi maǵan uzaq ýaqyttan beri eshkimniń qolynan kelmegen rekordty jańartatyn zor múmkindik týyp tur. Jańa rekord jasaý - ár sportshy úshin úlken jetistik. Demek, shynymen de armanyma jetýge nebári bir qadam qalyp tur» dep atap ótti qazaqstandyq boksshy.
Golovkınniń aıtýynsha, ol óziniń qazir qandaı jaǵdaıda ekenin jaqsy biledi.
«Árıne, men ózimniń qazirgi jaǵdaıymdy túsinemin. Sondyqtan osy aıqasqa barynsha baıyppen qarap, zor daıyndyqpen kelip otyrmyn. Men ózimniń bar sheberligimdi salyp, jaqsy oıyn kórsetýge tyrysamyn. Burynnan aıtyp júrgenimdeı, sizder juma kúni Big Drama Show tamashalaısyzdar» dedi GGG baspasóz konferentsııasynda.