Gennadıı Golovkınniń osy jolǵy gonorary qansha bolady

ASTANA. QazAqparat - Búgin AQSh-tyń Las-Vegas qalasynda ótken jekpe-jekte qazaqstandyq boksshy Gennadıı Golovkın men meksıkalyq Saýl Alvares teń tústi. Degenmen, eki boksshy da, kem degende, 15 mln dollardan alady, dep xabarlaıdy QazAqparat tilshisi.

The Telegraph-tyń aqparatyna sáıkes, eki boksshynyń árbireýi 15 mln dollardan alýy tıis. Bul - olardyń bekitilgen gonorary. GGG men "Kanelo" úshin ol -rekordtyq kórsetkish. Budan bólek, aqyly translıatsııalardan (PPV) túsken tabys ta eki boksshynyń arasynda bólinedi. Alaıda onyń 60 paıyzy Alvareske tıesili.

"Golden Boy Promotions" jetekshisi Oskar Da Le Hoııanyń aıtýynsha, búgingi jekpe-jek 1,5 mln PPV jınasa, kassaǵa shamamen $100 mln túsedi. Sondaı-aq boksshylar bıletten túsken tabysty da ózara bólisedi. Ol aqshany kólemi 30 mln dollardy qurap otyr.