Gennadıı Golovkınniń kelesi jekpe-jegi ótetin kún belgili boldy

NUR-SULTAN. QazAqparat – IBF/IBO nusqasy boıynsha orta salmaqtaǵy álem chempıony Gennadıı Golovkınmen seriktestiktegi Matchroom Boxing promoýterlik kompanııasynyń basshysy Eddı Hırn qazaqstandyqtyń kelesi jekpe-jegi qashan ótetin málimdedi, dep habarlaıdy QazAqparat tilshisi Sports.kz-ke silteme jasap.

GGG kóktemde rıngke oralyp, mindetti qarsylasy polshalyq Kamıl Sheremetaǵa qarsy jekpe-jek ótkizedi. Bul kezdesýde Gennadıı 5 qazanda Sergeı Derevıanchenkodan jeńip alǵan IBF tıtýlyn alǵash ret qorǵaıdy. Kezdesý Chıkagoda ótedi degen joramal bar.

«Golovkın Sheremetamen naýryzdyń sońynda, naqtyraq aıtsaq, 28 naýryzda kezdesýi múmkin», - dep málimdedi Hırn.