Gennadıı Golovkınniń kelesi jekpe-jegi qashan ótedi

NUR-SULTAN. QazAqparat – ESPN telearnasynyń burynǵy jýrnalısi Den Rafael qazaqstandyq boksshy Gennadıı Golovkın (40-1-1, 35 KO) kúzde sharshy alańǵa oralyp, IBF tıtýlyna mindetti úmitker polıak Kamıl Sheremetamen (21-0, 5 KO) kezdesetinin rastady, dep habarlaıdy QazAqparat Sports.kz saıtyna silteme jasap.

«Golovkın kelesi jekpe-jegin kúzde óziniń mindetti úmitkerine qarsy ótkizedi. Kóremiz», — dep jazdy Rafael Twitter paraqshasynda.

Buǵan deıin Sheremetanyń promoýteri Andjeı Vasılevskı Golovkın komandasy jekpe-jekti qazan nemese qarasha aıynda ótkizýdi josparlap otyrǵanyn aıtqan bolatyn.

Bir qyzyǵy, bul aıqas birneshe ret keıinge shegerildi, al tamyzdyń ortasy jekpe-jektiń sońǵy josparlanǵan kúni bolyp sanalǵan edi.