Gennadıı Golovkınniń anasy «Jyl patrıoty» baıqaýynda laýreat atandy
Jyl saıyn ótkiziletin «Jyl patrıoty» baıqaýynyń qorytyndysy saltanatty túrde «Qazaqstan» ortalyq kontsert zalynda búgin «Máńgilik el - bolashaǵy birtutas el» atty respýblıkalyq patrıottyq forým barysynda uıymdastyryldy. Baıqaýdyń jeti atalymynda batyrlyǵymen, sonymen qatar kúndelikti eńbegimen jáne naqty isterimen otansúıgishtigin dáleldeı alǵan azamattar marapattaldy. Sonymen, «Meniń elim» atylymynda ǵaryshker Aıdyn Aıymbetov laýreat boldy; «El birligi» atalymynda «Dınar - Elektromash» JShS isterin basqarýshy Sergeı Vıshnıak (Aqtóbe oblysy), «Bıik rýhanııat» atylymynda KSRO halyq ártisi Bıbigúl Tólegenova, «Nurly jol», atalymynda «Qazlegprom - Almaty» JShS bas dırektory Aıbek Bekturǵanov, «Ereń eńbek» atalymynda «Temirlan» JShS dırektory Erlan Alın, al «Erlik» atylymynda sýǵa batyp bara jatqan eki synyptasyn qutqarǵan Nıkıta Tıýkın atalyp ótti. Uıymdastyrýshylar olar Qazaqstan halqynyń jeńisteri men jetistikteriniń tarıhyndaǵy el patrıottarynyń altyn tizimine engiziletindigin jetkizdi.