Gennadıı Golovkınge qysym kórsetýge tyrysýda

ASTANA. QazAqparat - Alǵashqy orta salmaqtaǵy WBA tıtýlynyń ıegeri Erıslandı Lara qazaqstandyqtyń AQSh-ta 18 naýryz kúni ótken Denıel Djeıkobspen bolǵan jekpe-jegin synǵa aldy. Atalmysh kezdesýde Golovkın tóreshilerdiń sheshimimen jeńiske jetken bolatyn. Sonymen qatar, Lara Gennadıı sol kezdesýde jeńiske laıyqty emes edi,-dep habarlaıdy «QazAqparat» HAA.

«Oǵan jeńisti alyp berdi, bul bıznes jáne onymen kúresý óte qıyn. Golovkın myqty boksshy, alaıda ol eshkim jeńe almaıtyn dúleı kúsh ıesi emes. Men Djeıkobstyń 7 raýndta óziniń myqty boksymen jeńgenin baıqadym. Al eger Golovkın rıngke menimen shyǵatyn bolsa, onyń jaǵdaıy qıyn bolady»,-dep málimdedi Kýbadan shyqqan amerıkalyq boksshy.

Osyndaı baǵytta boks álemindegi bedeldi agentterdiń biri Ela Heımona Aleks Vaısfeld te pikir bildirdi. «Golovkın bárin nokaýtpen jeńe almaıtyny túsinikti»,-deıdi ol.

Ózine syn aıtqan jáne onyń jeńisine kúmán keltiretin adamdardyń barlyǵyna orta salmaqtaǵy jáne úsh (WBA, WBC ı IBF) áıgili dárejelerdegi álem chempıony óziniń jaqyndaǵy jekpe-jegi kezinde jaýap beretin bolady.

Ol jekpe-jektiń ótetin orny men ýaqyty belgili. Kezdesý Golovkın elshisi bolyp tabylatyn EKSPO kórmesi aıasynda Astanada 17 maýsym kúni ótedi. Alaıda ázirge osy kezdegi álem boıynsha eń myqtylardyń biri sanalatyn boksshyny kezdesýge shaqyratyn qarsylastyń esimi belgisiz bolyp tur.