Gennadıı Golovkınge 45 mln dollarlyq kelisimshart usynyldy
16:59, 12 Naýryz 2019
ASTANA. QazAqparat - Qazaqstandyq boksshy, orta salmaqtaǵy burynǵy álem chempıony Gennadıı Golovkın taıaý ýaqytta 45 mln dollarlyq eki aıqasqa kelisimshart jasaýy múmkin. Іri qarjy usynysyn DAZN strımıngtik servısi jasady, dep habarlaıdy QazAqparat Ring basylymyna silteme jasap.
Golovkın men onyń menedjerlik komandasy DAZN basshylyǵymen kelisim júrgizip qana qoımaı, qazaqstandyqtyń bolashaqta bolýy múmkin qarsylastaryn anyqtaǵan. Gennadıı Dúnıejúzilik boks uıymynyń (WBO) chempıony Demetrıýs Andrademen mamyrda nemese maýsymda aıqasýy múmkin.
Ekinshi jekpe-jek mamyrdaǵy Saýl Alvares - Denıel Djeıkobs matchynyń jeńimpazymen ótýi yqtımal. Qazaqstandyq boksshynyń PBC kompanııasynan iri kólemdegi somaǵa taǵy bir kommertsııalyq usynysy bar.