Gennadıı Golovkındi NBA juldyzymen salystyrdy

ASTANA. QazAqparat - Boxingscene.com kommentatory jáne jýrnalıst Korı Erdman ótken demalys kúni sportshylar jaqsy nátıje kórsetkendikten, Gennadıı Golovkındi NBA-nyń eń tanymal oıynshysy Lebron Djeımspen salystyrdy, dep habarlaıdy sports.kz.

«Golovkın  men Lebron demalys kúni uqsastyqtaryn kórsetti. „Toronto" NBA pleı-off matchynda jeńiske taıap qalyp edi, keıin Lebron qosyldy. Onyń qıyn sátterde sýyrylyp shyǵatyn qabileti bar. Bul joly da ol sheshýshi kezeńde komandany alyp shyqty. Lebronnyń Jordan brendi boıynsha jaqtasy Golovkınge Martırosıanmen aıqasty aıaqtaý úshin 48 mınýt qajet bolǵan joq. Vanes „Toronto" sııaqty laıyqty qarsylas, alaıda elıtaǵa shamaly jetińkiremeıdi. Martırosıan Golovkınmen jekpe-jektiń birinshi raýndynda birneshe jaqsy ári naqty soqqylar berdi. Ekinshi raýndqa shyǵardyń aldynda Golovkınniń kózqarasy Lebrondikindeı edi, qarsylasynyń júregine qanjar tyǵyp alatyn ashýly adam sııaqty qarady. Sodan keıin Golovkın rıngke shyǵyp, birneshe myqty panchtarmen barlyǵyn aıaqtady. Bul eshkim kúmándana almaıtyn aıqyn sát bolatyn. Lebron sııaqty, Golovkın úshin de álemdegi úzdik sportshy mártebesine tek qana ýaqyt qaýip tóndire alady», - dep jazdy Erdman.

Eske salaıyq, 5 mamyrda Karsondaǵy  StubHub Center arenasynda (AQSh, Kalıfornııa shtaty) Golovkın amerıkalyq Vanes Martırosıandi merziminen buryn jeńdi.