Gennadıı Golovkındi 18 ret dopıng boıynsha teksergen
12:45, 11 Qyrkúıek 2018
ASTANA. QazAqparat - Gennadıı Golovkın men Saýl Alvares 15 qyrkúıektegi rematchtyń aldynda kóp ret kezdeısoq dopıngke tekserildi, dep habarlaıdy SPORTINFORM SAA ESPN telearnasynyń sarapshysy Den Rafaelge silteme jasap.
«Orta salmaqtaǵy álem chempıony Gennadıı Golovkın aqpan aıynan bastap ótken jumaǵa deıin 12 ret nesep jáne alty ret kezdeısoq qan taldaýyn jasaǵan. Ony 15 qyrkúıekte Las-Vegasta ótetin Kanelo Alvarespen rematchtyń qarsańynda Erikti antıdopıng qaýymdastyǵy ótkizgen. Golovkın barlyq testiden ótti.
Aqpanda eki testiden ótpeı qalyp, alty aıǵa sporttan shettetilgen Alvares te VADA-nyń kezdeısoq synaqtaryna tap bolǵan. Biraq, onyń synamalar sany ázirge jarııalanǵan joq», - dep atap ótti sarapshy.