Gennadıı Golovkın WBA reıtıngindegi ornyn saqtap qaldy
14:41, 01 Jeltoqsan 2018
ASTANA. QazAqparat - Búkilálemdik boks uıymynyń (WBA) aı saıynǵy reıtınginiń jańa nusqasy jarııalandy, dep habarlaıdy QazAqparat Sports.kz saıtyna silteme jasap.
Tizimniń úzdik 15 boksshysy qatarynda Qazaqstannan tek Gennadıı Golovkın bar. Ol óz dıvızıonynda burynǵysha Davıd Lemeden keıingi ekinshi orynda tur. Úshinshi pozıtsııaǵa amerıkalyq Brendon Adams ornalasqan. Orta salmaqtyń «sýperchempıony» meksıkalyq Saýl «Kanelo» Alvares bolsa, Regular tıtýlyna amerıkalyq boksshy Rob Brant ıelik etip otyr.
Eske sala keteıik, qazaqstandyq taǵy bir sportshy Beıbit Shúmenov WBA tujyrymy boıynsha birinshi orta salmaqtaǵy «qarapaıym» álem chempıony atanǵan.