Gennadıı Golovkın sporttaǵy jemqorlyqqa qarsy is-qımyl jónindegi agenttiktiń otyrysyna qatysty

<p>ASTANA. KAZINFORM &ndash; Qazaqstan Ulttyq Olımpıadalyq komıtetiniń prezıdenti Gennadıı Golovkın sport salasy boıynsha jemqorlyqqa qarsy is-qımyl jónindegi agenttiktiń otyrysyna qatysty.</p>

QR Ulttyq olımpıadalyq komıtetiniń baspasóz qyzmeti málim etkendeı, 3 sáýir kúni Astanada ótken jıynǵa QR jemqorlyqqa qarsy kúres Agenttiginiń tóraǵasy Ashat Jumaǵalı, QR sport jáne týrızm mınıstri Ermek Marjyqpaev, ákim Jeńis Qasymbek jáne basqa da laýazymdy tulǵalar qatysty.

Otyrys barysynda sporttaǵy júıeli máseleler men osy saladaǵy sybaılas jemqorlyq, quqyqbuzýshylyq jáne urlyq deńgeıiniń ósýine yqpal etetin jaıttardy dereý anyqtap, joıý qajettigine basa nazar aýdaryldy.

Jıyn sońynda sport salasyndaǵy quzyrly organdarǵa taldaý barysynda aıtylǵan eskertýlerdi joıý týraly usynystar aıtyldy.

Esterińizge sala keteıik, esimi álemge tanymal kásipqoı boksshy Gennadıı Golovkın 26 aqpan kúni Qazaqstan Ulttyq olımpıada komıtetiniń prezıdenti bolyp saılanǵan bolatyn.