Gennadıı Golovkın shashtaraz jigitpen kóz arbasty
22:33, 15 Shilde 2017
ASTANA. QazAqparat - Áleýmettik jelide qazaqstandyq boksshy Gennadıı Golovkınniń óz shashtarazymen kóz arbasyp jatqan vıdeo taralyp jatyr, dep xabarlaıdy QazAqparat tilshisi "Qazaqstannyń kásibı boksy" áleýmettik paraqshasyna silteme jasap.
Vıdeoda Golovkınniń shashyn aldyrǵannan keıin shashtaraz mamanmen ázildegen sáti beınelengen. GGG aldymen ony mańdaıymen tirep ıteredi. Sosyn toqtap, kóz arbasýǵa kóshedi. Alaıda shashtaraz jigit shydaı almaı, artqa sheginedi.
Aıta keteıik, Golovkın-Alvares jekpe-jegi 16 qyrkúıekte AQSh-tyń Las-Vegas qalasynda ótedi. Qazirdiń ózinde barlyq bıletter satylyp ketken. Ýaqyt aıyrmashylyǵyna baılanysty atalǵan jekpe-jek Qazaqstanda 17 qyrkúıek kúni tańerteń kórsetiledi.