Gennadıı Golovkın rıngke qaıta oralýy týraly málimdeme jasady

<p>ASTANA. KAZINFORM &ndash; Qazaqstandyq boksshy Gennadıı Golovkın Los Angeles Times basylymyna bergen suhbatynda sharshy alańǵa qaıta oralý múmkindigi týraly aıtty, dep habarlaıdy <a href="https://www.sports.kz/news/gennadiy-golovkin-soobschil-dolgojdannyie-novosti-ovozvraschenii" target="_blank" rel="noopener">Sports.kz.</a></p>

«Men zeınetker emespin. Otbasymmen baqytty sátterdi ótkerip jatyrmyn. Meniń jańa qyzmetim bar, alaıda sportpen shuǵyldanýdy toqtatqan emespin, sebebi odan lázzat alamyn, al sporttaǵy mansabymnyń aıaqtalǵany týraly eshqashan jarııalaǵan emespin. Men úshin ómir – ýaqyt máselesi: yńǵaıly múmkindik týyndap jatsa, sharshy alańǵa qaıta oralýym bek múmkin», - dedi Golovkın.

Eske sala ketsek, Gennadıı Golovkın (42-2-1, 37 KO) sońǵy jekpe-jegin 2022 jyldyń qyrkúıeginde ótkizdi – bul onyń meksıkalyq Saýl «Kanelo» Alvarespen (61-2-2, 39 KO) úshinshi jekpe-jegi boldy, onda qazaqstandyq boksshy tóreshilerdiń biraýyzdan qabyldaǵan sheshimimen jeńiliske ushyrady. Sodan beri Golovkın rıngke shyqqan joq. Keıin ol Qazaqstan Ulttyq Olımpıada komıtetiniń basshysy bolyp saılandy.