Gennadıı Golovkın: Otanyńdy aýystyrǵanyń - ózińdi satqanyń

ASTANA. QazAqparat - Qazaqstandyq boksshy Gennadıı Golovkın Otanyńa adal bolyp, ony eshqandaı jaǵdaıda da satpaý qajet dep esepteıdi. Bul týraly ol búgin Astanadaǵy Nazarbaev Ýnıversıtetinde otandyq jankúıerlermen jáne BAQ ókilderimen kezdesýi barysynda málim etti.

"Otan - sen týǵan jer, seniń otbasyń, týystaryń turatyn uıań. Men úshin Qazaqstan ottan da ystyq, ol meniń elim. Osynda týsań, ózge jerge Otanyńdy aýystyrma. Otanyńdy aýystyrǵanyń - ózińdi satqanyń. Biz dúnıege kelgende Otanymyzdy, ata-analardy, dostardy tańdamaımyz", - dep atap ótti boksshy.

Onyń oıynsha, balalardy erte jastan patrıottyqqa tárbıeleý qajet. Onyń negizgi quraldarynyń biri - sport.