Gennadıı Golovkın Nazym Qyzaıbaıdy qola júldesimen quttyqtady

<p>PARIJ. KAZINFORM &ndash; Frantsııa astanasy Parıj qalasynda ótip jatqan Olımpıada oıyndarynda áıelder boksynan qola júldeger atanǵan Nazym Qyzaıbaıdy QR Ulttyq olımpıadalyq komıtetiniń prezıdenti Gennadıı Golovkın quttyqtady.</p>

«Nazymdy Olımpıada oıyndarynyń qola medalimen quttyqtaımyn! Nazym uzaq jyldar boıy elimizdegi áıelder boksynyń jarqyn ókili ári komandanyń kóshbasshysy bolyp keledi. Óziniń alǵashqy Olımpıadasyna qatysqanyna qaramastan, ol álemdegi eń myqty sportshylardyń qatarynan ekenin taǵy bir dáleldedi. Sizdiń bul jetistigińiz kóptegen jas atletke jiger syılap, eńbek pen tózimniń aqtalatynyna shynaıy úlgi bolsyn dep tileımin. Qazaqstan Ulttyq Olımpıadalyq komıtetiniń atynan Nazym men onyń bapkeri Dolkýnjan Kamekovty jáne barsha qazaqstandyqtardy Olımpıada medalimen quttyqtaımyn!», - dedi Gennadıı Golovkın.

Esterińizge sala keteıik, búgin Nazym Qyzaıbaı el qorjynyna Olımpıadanyń úshinshi qola júldesin syılady.