Gennadıı Golovkın men Stıv Rolls kóz arbasty

ALMATY. QazAqparat - Orta salmaqtaǵy álemniń eks-chempıony qazaqstandyq Gennadıı Golovkın (38-1-1, 34 KO) men kanadalyq Stıv Rolls (19-0, 10 KO) jekpe-jek aldynda kóz arbasty, dep habarlaıdy QazAqparat tilshisi.

Bylǵary qolǵap sheberleriniń júzdesýi Nıý-Iorktiń Madison Square Garden arenasynda uıymdastyrylǵan alǵashqy baspasóz-máslıhatynan soń ótti. Boksshylardyń jekpe-jek tap osy alańda 8 maýsym kúni ótedi.

Olar 164 kelige deıingi aralyq salmaqta baq synasady. Qazaqstandyq boksshy úshin bul DAZN strımınıgtik servısimen jasalǵan 6 kelisimsharttyń alǵashqysy bolmaq.

Aıta keteıik, Gennadıı óziniń sońǵy kezdesýin 2018 jyldyń 15-shi qyrkúıeginde ótkizdi. Ol kezdesýdi tóreshilerdiń basym daýsy boıynsha Saýl Alvareske (51-1-2, 34 KO) utylyp qaldy. Rolls sońǵy ret rıngke 15 jeltoqsanda shyǵyp, amerıkalyq Keandre Lezervýdty (21-6-1, 13 KO basym daýyspen jeńdi.

Aıta keteıik, jelide atalǵan boks keshine bıletter satylyp jatyr.