Gennadıı Golovkın men Haıme Mýngııa arasyndaǵy jekpe-jek qashan ótedi

NUR-SULTAN. QazAqparat – Golden Boy Promotions promoýterlik kompanııasynyń basshysy Oskar de la Hoııa orta salmaqtaǵy IBF/IBO álem chempıony Genadıı Golovkın (41-1-1, 36 KO) men birinshi orta dıvzıonda WBO tıtýlynyń burynǵy ıegeri Haıme Mýngııa (36-0, 29 KO) arasyndaǵy jekpe-jek 2021 jylǵy mamyr aıyna josparlanǵanyn rastady, dep habarlaıdy QazAqparat Sports.kz agenttigine silteme jasap.

Atalǵan shara 5 mamyrda Meksıkada atap ótiletin Sınko de Maıo merekesine arnalǵan demalys kúnderinde bolýy múmkin.

De la Hoııa jáne GBP - 24 jastaǵy Mýngııanyń birlesken promoýterleri.

«Golovkın-Mýngııa jekpe-jegi – bizdiń atqaryp jatqan jumysymyz. Bul - bárin qyzyqtyratyn aıqas. Ótetin kúni qashan? Sınko de Maıo. Atalǵan chempıondyq jekpe-jek osy demalys kúnderiniń hedlaıneri bolatynyn elestetip kórińizshi? Bul naǵyz «jarylys» bolady», — dep málimdedi De la Hoııa Boxingscene.com portalyna bergen suhbatynda