Gennadıı Golovkın kezekti jekpe-jegin Qazaqstanda ótkizgisi keledi

NUR-SULTAN. QazAqparat – Orta salmaqtaǵy IBF jáne IBO nusqalary boıynsha álem chempıony Gennadıı Golovkın (40-1-1, 35 KO) The Lockdown Tapes efırinde óz Otanynda jekpe-jek ótkizgisi keletini týraly aıtty, dep habarlaıdy QazAqparat.

«Árıne, qazaq halqy mundaı keshti óz «úılerinde» ótkizýge ábden laıyq. Olar AQSh-taǵydaı keremet, úlken shoýdy joǵary deńgeıde kórý múmkindigine ıe bolýy kerek. Halyq buǵan laıyq dep sanaımyn. Mundaı shoýdan áser alyp tamashalaýǵa múmkindik berý úshin ony uıymdastyrý qajet. Men «árıne, ıá» dep aıtar edim. Bul máselede maǵan kóp nárse baılanysty emes. Eger mundaı múmkindik bola qalsa, men qýana-qýana ony jasar edim», - dep pikirin bildirdi Gennadıı Golovkın.

Golovkınniń suhbaty Matchroom Boxing YouTube kanalyna salynǵan. Júrgizýshi Krıs Lloıd aýdarmashy arqyly GGG-ge Djonaton Benkspen birge jattyǵýdan bastap, Bıg Benkstegi lager, onyń otbasylyq ómiri jáne bolashaqqa arnalǵan josparlaryna qatysty birneshe suraq qoıdy.

Bir aı buryn Gennadıı Golovkın karantınnen keıin birinshi kezekte ne isteıtinin aıtqan bolatyn.

«Karantınnen keıin birinshi kezekte boks zalyna baramyn» - dep jazǵan edi Gennadıı Golovkın óziniń Instagram paraqshasynda .

Keıinnen Golovkınniń (40-1-1, 35 KO) sopromoýteri Eddı Hırn qazaqstandyq boksshy kelesi jekpe-jegin qashan ótkizetinin habarlaǵan edi.