Gennadıı Golovkın - qazirgi kezdegi eń áserli boksshylar ondyǵynda ekinshi orynda

ASTANA. QazAqparat - Amerıkalyq BleacherReport.com saıty qazirgi kezdegi eń áserli boksshylardyń TOP-10 jasady. Onda ekinshi oryndy Gennadıı Golovkın alady. Ol nıkaragýalyq Roman Gonsalesti ǵana alǵa jiberip aldy, dep habarlady Sports.kz.

«Orta salmaqtaǵy jeńilmeıtin WBA chempıony Gennadıı Golovkın senbi kúni kishi Vıllı Monrony altynshy raýndta nokaýtqa jiberip, óziniń nokaýt-serııasyn 20-ǵa jetkizdi.

Golovkınniń sheberligi jankúıerlerdiń úlken qyzyǵýshylyǵyn týdyryp otyr. Bokstaǵy juldyzdardyń biri Gennadıımen bir sharshy alańǵa shyǵýǵa kelisse, bul aqyly translıatsııa deńgeıindegi qubylys bolýy múmkin», - dep jazady saıt.