Gennadıı Golovkın «Kanelomen» úshinshi jekpe-jekten keıin sporttan kete me

NUR-SULTAN. QazAqparat - WBA Super, IBF jáne IBO nusqasyndaǵy álem chempıony Gennadıı Golovkın Saýl Alvarespen úshinshi márte judyryqtasqannan keıin qandaı jospary baryn aıtty, dep habarlaıdy QazAqparat Sports.kz resýrsyna silteme jasap.

Golovkın buǵan deıin birneshe ret osy aıqastan keıin bokstaǵy kereramdy aıaqtaımyn degenge saıatyn málimdeme jasaǵan edi.

Alaıda osy joly keleshegine eshqandaı naqty boljam jasamaıtynyn jetkizdi.

«Qorytyndy sheshimdi atalǵan jekpe-jekten keıin qabyldaımyn. Bári jaǵdaıǵa baılanysty. Eger búkil tıtýlymdy saqtap qalýǵa múmkindik bolsa, orta salmaqtaǵy teńestirý aıqastaryna ári qaraı qatysa beremin. Óıtkeni buǵan deıin eshkim olaı jasaǵan joq qoı. Jalpy, keleshekte qalaı bolatynyn jaǵdaıǵa qaraı kóremiz», - dedi ol keshe Boxingscene saıtyna bergen suhbatynda.

Eske sala keteıik, Gennadıı Golovkın men Saýl «Kanelo» Alvares arasyndaǵy úshinshi jekpe-jek 17 qyrkúıek kúni Amerıkanyń Las Vegas qalasynda ótedi.

Foto: sports.kz