Gennadıı Golovkın: Kanellonyń qanynan dopıng tabylýy - úlken másele
Qazaqstandyq boksshy Nevadadaǵy Sport komıssııasy múshelerin bul máselege tıisinshe nazar aýdaryp, qajetti sharalar qoldanýǵa shaqyrdy.
«Ekeýmiz de kásipqoı boksshymyz. Bul (dopıng) sport úshin de biz úshin de úlken problema. Osyǵan kóńilim tolmaıdy»,-dedi Golovkın Los Angeles Times - Hoy Deportes bólimine bergen suhbatynda.
Bul oqıǵaǵa qatysty Golovkın men Alvarestiń 5 mamyrdaǵy jekpe-jegi toqtatylmaýy múmkin. Alvares tarapy tyıym salynǵan preparattyń boksshy jegen etten kelgenin aıtyp aqtalyp otyr.
Alvarestiń múddesin qorǵaıtyn Golden Boy promoýterlik kompanııasy boksshydan alynǵan dopıng synamalardyń birinen tyıym salynǵan preparat - Klenbýterol tabylǵany týraly aqparatty rastap otyr. Bul málimetti sheteldik aqparat quraldary taratty.
Foto: Wally Skalij / Los Angeles Times