Gennadıı Golovkın HOK Olympism365 Komıssııasynyń ókilderimen kezdesti

<p>PARIJ. KAZINFORM &mdash; Frantsııa astanasy Parıj qalasynda ótip jatqan Olımpıada oıyndary aıasynda Qazaqstan Ulttyq Olımpıadalyq komıtetiniń prezıdenti Gennadıı Golovkın Halyqaralyq Olımpıada komıteti Olympism365 Komıssııasynyń tóraǵasy Aývıta Rapılla jáne Olympism365 boıynsha HOK dırektory Ollı Dadfıldpen kezdesti.</p>

Atalǵan kezdesý Parıjdegi (Frantsııa) 2024 jylǵy Olımpıada oıyndary aıasynda ótti. Sondaı-aq, jıynǵa Qazaqstan UOK bas hatshysy Janar Ýtesheva, HOK komıssııasynyń múshesi, Zımbabve UOK prezıdenti Tabanı Gone jáne HOK ókilderi Aııa Medanı men Shamıl Tarpışev qatysty.

Kezdesýdegi basty taqyryp Olympism365 Komıssııasynyń tikeleı qyzmeti jóninde órbidi. Aývıta Rapılla Komıssııanyń eń basty mindeti - turaqty damý maqsattaryna qol jetkizýdegi mańyzdy faktor retinde sporttyń rólin kúsheıtýge baǵyttalǵanyn keńinen áńgimeledi.

Sonymen qatar, Aývıta Rapılla Gennadıı Golovkındi Olympism365 Komıssııasynyń múshesi retinde taǵaıyndalýymen quttyqtap, oǵan Qazaqstan UOK prezıdenti qyzmetinde sáttilik tiledi.

Gennadıı Golovkın óz kezeginde HOK prezıdenti Tomas Bah pen Olympism365 Komıssııasynyń tóraǵasy Aývıta Rapıllaǵa senim artyp, qoldaý kórsetkeni úshin alǵysyn jetkizdi.

Aıta ketelik, atalǵan Komıssııa quramyndaǵy Gennadıı Golovkınniń alǵashqy resmı otyrysy bıylǵy jyldyń qarashasynda Lozannada (Shveıtsarııa) ótedi.