Gennadıı Golovkın: Bul barshamyz úshin úlken kún bolmaq

ASTANA. QazAqparat - Las-Vegasta qazaqstandyq boksshy Gennadıı Golovkın (37-0, 33 KO) men meksıkalyq Saýlem Alvares (49-1-1, 34 KO) jekpe-jekteri aldyndaǵy sońǵy baspasóz máslıhatyn ótkizdi. Bul týraly Sports.kz jazdy.

«Promoýterlerge alǵysymdy aıtamyn - olar jaqsy jumys atqardy, sondaı-aq maǵan únemi qoldaý bildirip, osy oqıǵaǵa qolǵabys etken demeýshiler men uıymdastyrýshylarǵa, osyndaı boksty kórsetetin HBO PPV telearnasyna rızashylyǵymdy bildiremin. Bul barshamyz úshin, bútindeı boks úshin, árqaısymyz úshin - úlken kún. Biz de, «Kanelonyń» komandasy da muny jiti sezinemiz. Senbi kúni osy tarıhı aıqasty kórýge shaqyramyn!», - dedi Golovkın.

Eske salaıyq, 16 qyrkúıek kúni AQSh-tyń Las-Vegas qalasyndaǵy «T-Mobile» arenada qazaqstandyq Gennadıı Golovkın men meksıkalyq Saýl Alvarestiń kópten kútken jekpe-jegi ótedi. Aıqasty «Qazaqstan» jáne «Qazsport» telearnalary tikeleı efırden kórsetedi. Ýaqyt aıyrmashylyǵyna baılanysty translıatsııa 17 qyrkúıek kúni saǵat 6:00-de bastalady.