Gennadıı Golovkın boksshylarymyzdy qoldaý úshin Italııaǵa bardy

<p>ASTANA. KAZINFORM &ndash; Qazaqstan UOK prezıdenti Gennadıı Golovkın Italııanyń Býsto-Arsıtsıo qalasyndaǵy Parıj Olımpıadasynyń joldamalary sarapqa salynyp jatqan týrnırge boksshylarymyzdy qoldaýǵa arnaıy bardy.&nbsp;</p>

Atalǵan synda Parıjdegi Olımpıada oıyndaryna barlyq salmaqta lıtsenzııa oınatylyp jatyr. Týrnırde erler men áıelder komandasy baq synaýda.

«UOK basshysy sheshýshi jekpe-jekter kezinde qazaqstandyq boksshylarǵa qoldaý kórsetedi. Bul Gennadıı Golovkınniń QR UOK prezıdenti qyzmetine saılanǵaly bergi alǵashqy resmı sapary», - delingen resmı habarlamada.

Aıta ketelik, búgin, 9 naýryz kúni úsh qazaqstandyq boksshy sharshy alańǵa shyǵady. Valentına Halzova shırek fınalǵa joldama alyp úlgerdi, al Natalıa Bogdanova men Aıbek Oralbaı 1/8 aınalymda synǵa túsedi.