Gennadıı Golovkın basqa salmaqqa aýysa ma

ASTANA. QazAqparat - WBA Super, WBC, IBF men IBO tujyrymdary boıynsha orta salmaqtaǵy álem chempıony Gennadıı Golovkın joǵary salmaqqa aýysýǵa qatysty pikir bildirdi, dep xabarlaıdy QazAqparat tilshisi.

«Basqa salmaqqa aýysatyn oıym joq. Qazirgi kezde 160 fýntta (72,6 keli) maǵan bokstasqan óte yńǵaıly. Al odan joǵary salmaqta, ıaǵnı 168 fýntta (76,2) meni qyzyqtyratyn ári kóp aqsha ákeletin jekpe-jekter joq. Dál qazir maǵan tek taza jáne qyzyqty jekpe-jekter ǵana kerek. Sosyn chempıondyq belbeýler úshin talassatyn bolsam, tipti jaqsy», - dedi G.Golovkın World Boxing News-ke bergen suxbatynda.

Aıta keteıik, búginde ekinshi orta salmaqta (76,2 kelide) Davıd Benavıdes, Djordj Groývz, Djeıms Dıgeıl, Hılberto Ramıres syndy boksshylar óner kórsetedi. Árqaısysy - bir-bir belbeýdiń ıegeri. Al Gennadıı Golovkın óz salmaǵynda tórt birdeı tıtýldy ustap otyr. Aldaǵy aptada 5 mamyr kúni qazaqstandyq boksshy AQSh-tyń Kalıfornııa shtatynda Vanes Martırosıanmen judyryqtasady. Martırosıan birinshi orta salmaqta (154 fýnt - 69,8 keli) óner kórsetedi. Alaıda sońǵy salmaq ólsheý rásiminde onyń salmaǵy GGG-den jarty kelige artyq bolyp shyqty.