Gennadıı Golovkın álem chempıony tıtýlynan bas tartqany habarlandy

ASTANA.QazAqparat - Brazılııalyq jýrnalıst Ýılson Baldınıdiń aqparatyna sáıkes, qazaqstandyq boksshy Gennadıı Golovkın budan bylaı IBF nusqasy boıynsha orta salmaqtaǵy álem chempıony emes, dep habarlaıdy QazAqparat Sports.kz-ke silteme jasap.

Baldını Twitter-paraqshasynda jazǵandaı, GGG belbeýden óz erkimen bas tartty. Bul degenimiz, endigide mindetti úmitker jáne reıtıngide birinshi orynda turǵan brazılııalyq Eskıva Falkao vakantty tıtýl úshin ózge úmitkermen judyryqtasýy yqtımal degendi bildiredi. IBF reıtınginde ekinshi orynda - avstralııalyq Maıkl Zerafa, úshinshi orynda - nemis boksshysy Vınchentso Gýaltıerı tur.

Golovkınniń IBF tıtýlynan aıyrylǵany týraly resmı aqparat áli túsken joq. Aıta keteıik, Gennadıı sonldaı-aq, WBA Super nusqasy boıynsha tıtýlǵa jáne IBO-nyń qosalqy tıtýlyna ıe. Onyń WBA jelisindegi mindetti qarsylasy – «qarapaıym» álem chempıony kýbalyq Erıslandı Lara.

Foto: sports.kz