Generation Q birlestigi patrıottyq freım taratý jobasyn qoldady

ASTANA. QazAqparat - «Generation Q» jastar birlestigi Qazaqstan halqy Assambleıasy «Jańǵyrý joly» respýblıkalyq jastar qozǵalysynyń, «Jas Ulan» balalar men jasóspirimder uıymynyń jáne «QazAqparat» HAA-nyń patrıottyq freımder ornatý bastamasyna qoldaý bildirdi, dep habarlaıdy QazAqparat.

Jastar jylyna oraı áleýmettik jelidegi avatardy ózgertýge arnalǵan patrıottyq freımder búgin «QazAqparat» HAA-nyń jastar.inform.kz qosymsha saıt-sattelıtinde jarııalanǵan bolatyn.

Endi Facebook qoldanýshylary «Generation Q» paraqshasyna kirý arqyly Jastar jylyna arnalǵan freımderdi paıdalana alady.

Qazaqstan halqy Assambleıasy «Jańǵyrý joly» respýblıkalyq jastar qozǵalysynyń tóraǵasy Maksım Spotkaı Qazaqstannyń barsha jastaryn Prezıdent bastamalaryna qoldaý kórsetýge shaqyrdy.

«Jastar jyly - bul Qazaqstan tarıhynda ult Kóshbasshysy tarapynan, memleket tarapynan jastardy qoldaýǵa jasalǵan teńdessiz qadam. Sondyqtan, biz, jastar, forýmda kóterilgen usynystardy tolyq qoldaýymyz kerek. Búginde jastardyń barlyǵy derlik áleýmettik jelide otyrady. Sol sebepti, áleýmettik jelilerde fleshmob júrgizýdi uıǵardyq», - dedi ol.