General-maıor T.Muhtarov QR Qorǵanys mınıstrliginiń ádep boıynsha ýákiletti tulǵasy bolyp taǵaıyndaldy

ASTANA. QazAqparat - QR Qorǵanys mınıstrliginde «Qazaqstan Respýblıkasy memlekettik qyzmetkerleriniń etıka normalary men minez-qulyq erejelerin ári qaraı jetildirý jónindegi sharalar týraly» QR Prezıdentiniń Jarlyǵyn oryndaý barysynda memlekettik qyzmetkerlerdiń kodeks normalaryn saqtaýyn qadaǵalaý úshin ádep boıynsha ýákiletti tulǵa taǵaıyndaldy. QR Qorǵanys mınıstrliginiń baspasóz qyzmeti habarlady.

QR Qorǵanys mınıstriniń orynbasary general-maıor Talǵat Muhtarov QR Qorǵanys mınıstrliginde ádep boıynsha ýákiletti laýazymdy tulǵa bolyp taǵaıyndaldy.

Qazaqstan Respýblıka memlekettik qyzmetshiniń ádep kodeksi qoǵamnyń memlekettik organdarǵa degen senimin nyǵaıtýǵa, memlekettik qyzmetke degen joǵary mádenı qarym-qatynasty qalyptastyrýǵa jáne memlekettik qyzmetkerdiń ádepsiz qylyqtaryn eskertýge baǵyttalǵanyn aıta ketken jón. Sybaılas jemqorlyq - qazirgi qoǵamnyń ózekti máseleleriniń biri. Ony sheshý maqsatynda elimizdiń Qorǵanys mınıstrligi naqty sharalar qataryn iske asyrýda. Degenmen, kúreste barynsha talap etiletin tásil ol keshendi jumys jasaý arqyly qorǵanys vedomstvasyn, kúshtik qurylymdardy, sot, quqyq qorǵaý jáne arnaıy organdardyń birlesken áreketin kúsheıtý. Bul baǵytta alǵashqy qadamdar da jasaldy.

Ótken jyldyń sońynda Qorǵanys mınıstrliginiń, Bas prokýratýranyń, QR Memlekettik qyzmet ister jáne sybaılas jemqorlyqqa qarsy is-qımyl agenttiginiń, Ulttyq qaýipsizdik komıtetiniń jáne QR Іshki ister mınıstrliginiń asshylary sybaılas jemqorlyqqa qarsy is-qımyl máselesi boıynsha memorandýmǵa qol qoıdy.