General-maıor Berik Bilálovke qatysty ne sebepti aryz túskeni belgili boldy

ASTANA. QazAqparat – QR Іshki ister mınıstri Marat Ahmetjanov polıtsııa general-maıory Berik Bilálovke qatysty ne sebepti aryz túskenin aıtty, dep habarlaıdy QazAqparat tilshisi.

Aıta keteıik, SQO Qylmystyq atqarý júıesi departamentiniń basshysy bolǵan Berik Bilálovke qatysty sotqa deıingi tergeý júrip jatyr.

«Bilálovke qatysty toqtalsaq, ol osydan eki jyl buryn bireýden qaryzǵa aqsha alyp, qaıtarmaǵan. Osy boıynsha aryz kelip tústi. QR Іshki ister mınıstrligi Ózindik qaýipsizdik departamenti bul derekti Sotqa deıingi tergep-tekserýlerdiń biryńǵaı tizilimine engizdi. Sondaı-aq tekseri is-sharaly obektıvti bolýy úshin ony Sybaılas jemqorlyqqa qarsy is-qımyl agenttigine joldady», - dedi Marat Ahmetjanov Senatta tilshiler suraǵyna jaýap bere otyryp.

Budan buryn habarlanǵandaı, B. Bilálov bıylǵy 24 aqpanda kúdikti dep tanylǵan.