General Electric Qazaqstan kásiporyndaryn tsıfrlandyrýmen aınalysady
Elordada ótip jatqan Táýelsiz ál-aýqat qorlary halyqaralyq forýmynyń (IFSWF) 9-shy otyrysy aıasynda rásimdelgen qujattyń maqsaty «Samuryq-Qazynanyń» ónerkásiptik kásiporyndary men Qazaqstandaǵy basqa kompanııalar úshin ornyqty tsıfrlyq ekojúıeni qurý aıasynda yqpaldastyqtyń múmkindikterin qarastyrý bolyp tabylady.
«Samuryq-Qazyna» qory QR Prezıdentiniń Úshinshi jańǵyrtý tapsyrmasyna sáıkes qorjyndyq kompanııalar úshin tsıfrlyq sheshimder men servısterdi engizý jumystaryn jedeldetýge baǵyttalǵan bastamalardy júzege asyrady. Aldyn ala kelisim aıasynda «Samuryq-Qazyna» qorynyń enshiles kompanııalaryn tsıfrlandyrý jónindegi strategııany tıimdi júzege asyrý úshin birlesken jol kartasyn túzý qarastyrylǵan. GE sandyq tehnologııalarynyń qoldanylýy «Samuryq-Qazynanyń» kásiporyndaryna qural-jabdyqtyń tehnıkalyq jaǵdaıyn boljaýǵa, aqaýlardy erte anyqtaýdyń esebinen shtattan tys oqıǵalarǵa jol bermeýge, josparlanbaǵan toqtap qalý qaýpin tómendetýge múmkindik beredi. Sonymen qatar taraptar ónerkásiptik ınternet úshin Predix platformasy negizinde sandyq sheshimderdi qashyqtyqtan bulttarǵa deıin lokalızatsııalaý múmkindigin qarastyrýǵa ýaǵdalasty. Bul óz kezeginde qazaqstandyq qurastyrýshylar qaýymdastyǵynyń óńirdegi iri ýnıversıtettermen yqpaldastyq ornatýyn qamtamasyz etýge múmkindik beredi.
«GE men «Samuryq-Qazyna» qorynyń birlesken jobany júzege asyrýy Qazaqstanda belsendi tsıfrlyq ekojúıeni qalyptastyrýǵa jáne óńirdiń negizgi salalaryn tsıfrlandyrýǵa septigin tıgizedi», - dep atap ótti «Samuryq-Qazyna» AQ basqarma tóraǵasy Ómirzaq Shókeev.
Eýropadaǵy GE Digital bas dırektory jáne bas kommertsııalyq dırektory Debora Sherrı óz kezeginde «Samuryq-Qazyna» qorymen yntymaqtastyq aıasy keńeıgenine jáne Qazaqstan ónerkásibin tsıfrlyq jańǵyrtý boıynsha naqty qadamdardyń júzege asyryla bastaýyna qýanyshty ekendigin aıtty.
«Qol jetkizilgen kelisimder eldegi ónerkásiptik kásiporyndardyń tıimdiligin arttyrýǵa jańa múmkindikter ashady. Qazaqstanda Predix negizinde ozyq sheshimderdiń engizilýi Ortalyq Azııanyń eń iri ekonomıkasynda tsıfrlyq ınnovatsııalardyń jańa býynyn qalyptastyrýǵa úlken serpin beredi», - dedi ol.