Gebert shaǵymy: Ulttyq qurama Olımpıadan oralǵannan keıin tekserý júrgiziledi
Bul týraly Májilis depýtattarynyń saýalyna QR Bas prokýrorynyń mindetin atqarýshy Berik Asylovtyń jaýabynda aıtylǵan, dep habarlaıdy QazAqparat tilshisi.
«Mádenıet jáne sport mınıstrliginiń málimetine sáıkes, Gebert Ulttyq shańǵy qaýymdastyǵynyń haty negizinde frıstaıl-mogýldan ulttyq komandanyń shtattyq quramynan shyǵarylǵan. Degenmen, mınıstrlik tarapynan frıstaılshy Gebert shaǵymy boıynsha tekserý júrgizilmegen. Bul máseleni mınıstrlik elimizdiń ulttyq quramasy qysqy Olımpıadadan oralǵannan keıin qaraıtyn bolady», - delingen Berik Asylovtyń jaýabynda.
Aıta keteıik, 2021 jyldyń qazan aıynda frıstaıldan ulttyq quramanyń burynǵy sportshysy Aleksandr Gebert óz bapkerin alym-salyq jınady, biliksizdik tanytty jáne quramadan zańsyz shyǵardy dep aıyptaǵan edi.
Odan keıin QR Mádenıet jáne sport vıtse-mınıstri Serik Jarasbaev frıstaıldan ulttyq quramanyń burynǵy sportshysynyń óz bapkerin sybaılas jemqorlyq jasady dep aıyptaǵany týraly suraqtarǵa jaýap bergen bolatyn.