«Gazprom» men «QazaqGaz» Ózbekstanǵa reseılik tabıǵı gazdy tasymaldaý jóninde kelisti

SANKT-PETERBÝRG. QazAqparat – «Gazprom» men «QazaqGaz» Ózbekstan tutynýshylary úshin reseılik tabıǵı gazdy tasymaldaý týraly shartqa qol qoıdy, dep habarlaıdy QazAqparat Energetıka mınıstrliginiń resmı saıtyna silteme jasap.

Qazaqstannyń Energetıka mınıstri Almasadam Sátqalıev 14-17 maýsym aralyǵynda ótip jatqan Sankt-Peterbýrg halyqaralyq ekonomıkalyq forýmyna (PHEF) qazaqstandyq delegatsııany bastap bardy.

Delegatsııa quramyna «Samuryq-Qazyna» qorynyń basqarma tóraǵasy Nurlan Jaqypov, Saýda jáne ıntegratsııa, Indýstrııa jáne ınfraqurylymdyq damý, Ulttyq ekonomıka mınıstrlikteriniń ókilderi kirdi.

Forýmda ıAkýtııa, Tomsk jáne Novgorod oblystarynyń basshylarymen, sondaı-aq Reseı Federatsııasynyń negizgi salalyq kompanııalary – «Rosatom», «Gazprom» jáne «InterRAO» kompanııalarymen kezdesýler ótkizildi.

«Gazprom» basqarma tóraǵasy Alekseı Mıllermen kezdesýde «Gazprom» men «QazaqGaz» arasynda Ózbekstan tutynýshylary úshin reseılik tabıǵı gazdy tasymaldaý týraly shartqa qol qoıyldy.

Sondaı-aq, gazdy jetkizý, óńdeý jáne tasymaldaý salasyndaǵy yntymaqtastyq talqylandy.

Qazaqstan men Reseıdiń energetıka mınıstrleri PHEF barysynda 2033 jyldyń sońyna deıin 10 mln tonnaǵa deıingi kólemderdi ulǵaıta otyryp, Reseı munaıynyń tranzıti boıynsha úkimetaralyq ýaǵdalastyqtardy uzartty.

«Inter RAO» JAQ-pen kezdesýde taraptar elektr energııasyn jetkizý, kómir stantsııalaryn jańǵyrtý boıynsha yntymaqtastyq áleýetin talqylady.