Gazǵa tunshyǵýy múmkin: Shymkentte bir otbasy qaıtys boldy

<p>Shymkentte belgisiz sebeppen bir otbasy músheleri óz úılerinde qaıtys boldy, dep habarlaıdy <a href="Kazinform" target="_blank" rel="noopener">Kazinform</a>.</p>

Oqıǵa «Yntymaq-2» móltekaýdanynda bolǵan.

Jelide taraǵan aqparattarǵa súıensek, otbasy músheleri gazǵa tunshyǵyp qaıtys bolǵan. Onyń ishinde 2007, 2008 jáne 2012 jyldary týǵan úsh bala bar.

Qalalyq tótenshe jaǵdaılar departamenti oqıǵa jóninde áli resmı aqparat taratpady. Degenmen, qaıǵyly oqıǵanyń bolǵanyn rastap otyr.

Al qala ákimi Ǵabıt Syzdyqbekov barlyq jedel qyzmet kórsetý mekemeleri oqıǵa ornyna shuǵyl jetkenin málimdedi.

Foto: Shymkent ákimdigi

 

"Óz tarapymyzdan barlyq qajetti qoldaý kórsetemiz.

Tótenshe jaǵdaılar departamentine, gaz berý qyzmetterine, aýdan ákimdikterine kópqabatty jáne jeke sektorlardaǵy gaz jabdyqtaryn baqylaý maqsatynda keshendi tekserý júrgizýdi tapsyrdym. Odan bólek, peshpen jylytý qoldanylatyn úıler de tekseriledi", - degen ákim qala turǵyndaryn páterlerde, jeke úılerde gazdy paıdalaný kezinde qaýipsizdik tehnıkasyn qatań saqtaýǵa shaqyrdy.