Gazdy zańsyz tasymaldaýǵa tosqaýyl: Qyzylordada 3 blokpost ornatyldy
Bul týraly oblys ákimdiginiń baspasóz qyzmeti málim etti.
Sońǵy kúnderi óńirde gazdy tasymaldaýdyń zańsyz faktileri kóbeıgen. Atalǵan másege oraı oblys ákimi Nurlybek Nálibaev quqyq qorǵaý organdarynyń basshylarymen birge jedel jıyn ótkizdi.
«Óńir halqy úshin gaz ben dızel qorynda tapshylyqty boldyrmaý maqsatynda uıymdastyrylǵan jıynda aımaq basshysy oblysqa bekitilgen lımıt boıynsha suıytylǵan munaı gazy men dızel otyny tek oblys halqynyń ıgiligine jaratylýy qajet ekenin atap ótti. Sol sebepti syrtqa tasymaldaýdy shekteý úshin arnaıy blokpostar qoıyp, qadaǵalaýdy kúsheıtýdi tapsyrdy», - dedi oblys ákimdiginen.
Vedomstvo málimetinshe, kúnniń sýytýyna baılanysty aımaqta kómir qorynyń jetkilikti bolýy nazarǵa ustalyp otyr. Osy maqsatta qoımalarda qajetti mólsherdi tolyqtyrý jumystaryn irkilissiz júrgizilýde.
Oblys basshysynyń tapsyrmasynan keıin polıtsııa departamenti Túrkistan, Aral, Jezqazǵan baǵyttaryna blokpostar ornatyldy.