«Gazdy shekten tys jaǵatyn kompanııalar jazalanady» - respýblıkalyq basylymdarǵa sholý

ASTANA. 6 naýryz. QazAqparat - Qazaq aqparat agenttigi respýblıkalyq basylymdarda 6 naýryz, seısenbi kúni shyqqan ózekti materıaldarǵa sholýdy usynady.

***

«Egemen Qazaqstan» basylymy búgingi sanynda «Jumyspen qamtý jaıymen tanysty» atty maqala basty. Basylymnyń jazýynsha jeksenbi kúni Shyǵys Qazaqstan oblysyna issaparmen Úkimet basshysynyń orynbasary Erbol Orynbaev bastaǵan jumys toby keldi.  Vıtse-premer bastaǵan top al­dymen atbasyn Glýbokoe kentindegi eńbekpen qamtý ortalyǵynyń jumysymen jete tanysyp, «Jumyspen qam­tý-2020» baǵdarlamasynyń «Aýyl­daǵy kásip­ker­likti damytýǵa jár­dem­desý» atty ekinshi baǵyty aıasynda nesıe alǵan kredıttik uıym­dardyń múshelerimen kezdesti. Ortalyq mamandary osy jyly 158 adamǵa 368 mıllıon teń­geniń nesıesin berýdi, 106 áleý­mettik ju­mys ornyn qurýdy jáne jastar tá­ji­rıbesine on adam­dy qatys­ty­ryp, 156 turǵyndy kásibı daıyn­dyq­tan ót­kizýdi kózdep otyr. Baǵ­dar­lama nátı­jesi kózge kórinip tur­ǵandyq­tan nesıe alý­ǵa nıet bildirgen­derdiń sany aýdanda artyp keledi. Osy jerde Úkimet basshy­sy­nyń orynbasary shaǵyn nesıe alyp óz kásipterin dóńgeletip ketken bir top aýdan turǵynymen júzdesti. Solardyń biri - oralman Ersin Álmet eki mıllıon teńge nesıe alyp, iri qara ósirý­de, qazir ol tórt adamǵa jumys berip otyr. Al Maıragúl Ósken­baı nesıege is tigý mashınalaryn satyp alǵan, ol da jerlesterin jumysqa tartypty. Qazir ulttyq kıim-keshekter tigip, saý­dalaýda, ónimi ótimdi, suranys je­ter­lik. Kásipkerler memlekettik baǵ­dar­lamanyń óńirde asa tıimdi júzege asyrylyp jatqanyn aıtyp, jeke isterin ashýǵa múmkindik bergen osyn­daı baǵdarlamaǵa bastamashy bolǵan el Prezıdenti Nur­sul­tan Nazarbaevqa alǵystaryn bildirdi.

 

Búgingi kúni Jańaózendegi jaǵdaı qalypqa túsip otyr. Óndiris oryndary, áleýmettik nysandar jumysy jolǵa qoıyldy. Bul rette qoǵamdyq qabyldaý bólimderi Aqtaýda da, Jańaózende de óz problemalaryn aıtyp, aqyl-keńes, kómek surap kelgenderge múmkindiginshe járdem kór­setýdi maq­sat etip júr. Sony sezingen Jańaózen turǵyn­dary atynan «Nur Otannyń» qalalyq fılıalyna ótken jyly ǵana 709 aryz túsken. Al osy jyl­dyń eki aıyndaǵy ótinish hattar sany 237-ge jetip otyr. Onyń 130-dan astamy ózderin jumysqa or­nalastyrýǵa kómek surapty. Ótken apta málimeti boıynsha 71 azamattyń aryzy qanaǵattan­dy­ry­lǵan. Aıtylǵanǵa qosa biraz azamattar qala­n­yń eńbek bólimine de bar­ǵan. Olarda túrli-túr­li jaǵdaılar kóteril­gen. Sondyqtan máseleni oń sheshý úshin ákimdikpen, óndiris oryndarymen, Nur Otannyń oblystyq fılıalymen qoıan-qol­tyq birigip jumys jasaýǵa týra kelýde. Bul týraly «Egemen Qazaqstan» basylymynyń búgingi sanyndaǵy «Jańaózenge qatysty jáıtter» atty maqaladan oqyńyzdar.

***

«Shaǵyn nesıe uıymdarynyń jumysyn rettep, bir júıege keltirý jaıly meniń aıtyp júrgenime bes jyldan asyp ketti. Ulttyq bank Mıkroqarjylyq uıymdary qaýymdastyǵynyń osy janaıqaıyn estip, sodan nátıje shyǵarǵaly jatqany bizdi qýantady. Óıtkeni bul salada, jumysyn uqypty júrgizip otyrǵan mekemeler de bar, sonymen qatar alaıaqtardyń júrgeni de jasyryn emes. Sol úshin osy salany biraz retteý kerek jáne taza, salyqtaryn der kezinde tóleıtin mekemeler naryqta qalý kerek te, jumysy túsiniksiz, kúńgirt mekemeler ketýge tıis»,-deıdi Qazaqstannyń Mıkroqarjylyq uıymdary qaýymdastyǵy dırektorlar keńesiniń tóraǵasy Shalqar Júsipov. Onyń pikirinshe, Zańda osy máseleniń bári eskerilgen jáne osy qalpynda qabyldanady degen úmitimiz bar. Eger rasynda da zań osy qalpynda qabyldanar bolsa, onda elimizde 1756 emes, 250 - 300 shamasynda shaǵyn nesıe uıymdary qalady. Bul suhbat «Aıqyn» basylymynyń búgingi sanynda  «Mıkroqarjy salasynda kúrdeli kezeń artta qaldy» atty taqyryppen jarııalanǵan.

Osy basylymnyń jazýynsha, Qazaqstan - «gazdy alaýlardy bosqa jaǵýdy qysqartý jáne aýaǵa zııandy zattar tastaýdy tómendetý» jóninen «álemdik kóshbasshy». Mundaı joǵary baǵany Dúnıejúzilik bank bergen: ol spýtnıktik málimetterge súıene otyryp, Qazaq eliniń nebary bes jyl ishinde, munaı óndirý kezinde shyǵatyn ilespe gazdy jaǵýdy úshten birge qysqartqandyǵyn, osylaısha aýaǵa CO2 shyǵarýdy 6 mln tonnaǵa derlik azaıtqanyn anyqtaǵan. Biraq soǵan qaramastan, elimiz Iran, Irak, Aljır, Angola, Saýd Arabııasy, Venesýela qatarynda «kógildir otynnyń» úlken kólemin kádege jaratpaı, órtep jiberip jatqan memleketterdiń «top-tiziminde» tur. Osy oraıda keshe el Úkimeti gazdy shekten tys artyq jaǵatyn kompanııalarǵa jaza qoldanatynyn jarııalady. Ol qandaı jaza. Bul týraly «Aıqyn» basylymynyń búgingi sanyndaǵy «Gazdy shekten tys jaǵatyn kompanııalar jazalanady» atty maqaladan bilýge bolady.

***

Qazaqstan Koreı halyq demokratııalyq respýblıkasynyń ıadrolyq qarý men alys qashyqtyqqa baǵyttalǵan zymyrandardy synaýǵa maratorıı jarııalap, ýrandy baıytý jumystaryn toqtatyp, MAGATE ınspektorlaryn Ionbendegi ıadrolyq nysanǵa jiberý jónindegi sheshimine qanaǵattandy. Keshe Syrtqy ister mınıstrliginiń halyqaralyq aqparat komıteti tóraǵasynyń orynbasary, resmı ókil Altaı Ábıbýllaev osyndaı málimdeme jasady. Onyń sózinshe, Qazaqstannyń syrtqy ister mınıstrligi KHDR-nyń osy baǵyttaǵy qadamdary Koreı jartylaı aralyndaǵy 6 baǵytty qamtıtyn  kelissiózderdiń jandanýyna yqpal etýi múmkin. Bul másele jóninde «Kazahstanskaıa pravda» basylymynyń búgingi sanyndaǵy «K vseobşeı denýklerızatsıı» atty maqaladan oqyńyzdar.