Gazdy únemdi paıdalanýǵa qatysty túzetý engiziledi – Májilis

<p>ASTANA. KAZINFORM &ndash; Parlament Májilisiniń qaraýyna &laquo;Qazaqstan Respýblıkasynyń keıbir zańnamalyq aktilerine gazben jabdyqtaý jáne taýarlyq gazdy únemdi tutyný máseleleri boıynsha ózgerister men tolyqtyrýlar engizý týraly&raquo; zań jobasy engizildi.</p>

«Memleket basshysynyń 2023 jylǵy 1 qyrkúıektegi Qazaqstan halqyna Joldaýynda aıtylǵan tapsyrmalardy oryndaý úshin Májilis depýtattary atalǵan zań jobasyna bastama jasady. Atalǵan qujat jobasyna gaz salasyn qatysty tıisti túzetýler qarastyrylǵan», - dedi Májilis depýtaty Edil Jańbyrshın palatanyń jalpy otyrysynda.

Bul turǵyda, gaz salasy boıynsha ulttyq operator tarapynan taýarlyq gazben jabdyqtaýdyń biryńǵaı júıesiniń nysandaryn salýda jobalaýǵa arnalǵan tapsyrmalardy jáne olardyń jobalyq qujattamasyn kelisýdi, sondaı-aq memlekettik bıýdjetten qarjylandyrylatyn taýarlyq gazben jabdyqtaýdyń biryńǵaı júıesi obektilerin salý jobalaryn tehnıkalyq qoldap otyrýdy júzege asyrý eskerilgen.

Sonymen qatar zań jobasynda tutynýshylardy gazdy uqypty paıdalanýǵa yntalandyrý, gazdy ishki naryqta satý kezinde ony esepke alýdyń ashyqtyǵyn qamtamasyz etý jáne avtomattandyrý, jeke gaz taratý uıymdarynyń qyzmetin memlekettik retteý, tarıf qalyptastyrýdyń jańa ádisterin engizý qarastyrylǵan.

«Májilistiń Ekologııa máseleleri jáne tabıǵat paıdalaný komıteti zań jobasy boıynsha qorytyndy ázirleýge daıyn», - dedi depýtat.