Gazdy shekten tys tutynatyndarǵa tarıf qalaı qymbattaıdy
Zań jobasyn tanystyrǵan depýtat Ekaterına Smyshlıaeva gaz tutynýdyń birneshe satyly lımıti belgilenetinin aıtty. Sonyń ishinde únemdi tutyný tásili turmystyq gaz tutynatyn 2,2 mln abonentke qoldanylýy múmkin. Olar jyl saıyn 4,4 mlrd tekshe metr gaz tutynyp otyr.
Atalǵan sanat ókilderi gaz tutynýdyń normasynan artyq mólsherde kógildir otyn jaqsa, qalypty tarıftiń 1,3 nemese 1,5 koeffıtsentin tóleıdi. Al turmystyq gaz tutyný mólsheri óńirlerdiń klımatyna baılanysty bolmaq. Mysaly, qysy qatty óńirlerde jylytý maýsymy kezinde aıyna 920 tekshe metr, qysy jeńil ótetin óńirlerde aıyna 625 tekshe metr etip bekitý usynylyp otyr. Al jylytý maýsymynan basqa kezeńde barlyq óńirlerde aıyna 70 tekshe metr bolmaq.
BAQ ókilderine bergen suhbatynda depýtat bul saıasat turmystyq gaz tutyný tarıfin jappaı kóterýdi kózdemeıtinin túsindirdi.
Energetıka mınıstrligi Gaz ónerkásibi departamenti Gazdandyrý basqarmasynyń basshysy Іzimbergen Bereke de osylaı dep otyr.
«Prezıdent byltyr naýryz aıyndaǵy Parlamenttiń keńeıtilgen otyrysynda aýdany 400-500 sharshy metr bolatyn úlken úılerdiń ıeleri 100-200 sharshy metrlik úılermen birdeı gaz tarıfin tólemeý kerektigin aıtqan. Osyǵan oraı tutyný normasyn eseptep jatyrmyz. Ol norma ár óńirde ár túrli bolady. Mysaly, Mańǵystaýda jyly, Qostanaıda salqyn degen sııaqty. Koeffıtsent áli belgilengen joq. Mańǵystaý oblysynda árbir úı aıyna shamamen 600-700 tekshe metr gaz tutynady. Al Qostanaı oblysynda klımat salqyn bolǵanyna qaramastan, Mańǵystaýmen birdeı mólsherde tutynady. Mańǵystaýlyqtardyń kóp tutynatyny, tarıf birshama tómen. ıAǵnı, tıimdi tutyný tendentsııasyn kórmeı otyrmyz. Gaz sarqylatyn resýrs bolǵandyqtan únemdi tarıf engizbekshimiz. Biraq qazirge naqty qandaı mólsher shegi qoıylatyny, qandaı koeffıtsentter qoldanylatyny áli aıqyn emes. Onyń árqaısysy qoǵamda ashyq talqylaý arqyly belgilenedi», - deıdi mınıstrlik mamany.